Davao City – Arestado ang usa ka 18 anyos nga lalaki human gibastos ang usa ka pulis.
Base sa report sa Talomo Police Station buot untang tabangan sa kapolisan ug mahatod sa pinuy anan Chester Lamsin Cabrera dihang nadisgrasya kini human mahulog sa gisakyan nga motorsiklo niini.
Matod pa mag alas dos na sa kadlawon sa may Times Beach Ecoland ning syudad kalit nga misarasay ang gisakyan niining motorsiklo ug naka angkon kini ug mga samad sa nagkadaiyang parte sa iyang kalawasan.
Sa dihang naagian kini sa personahi sa Traffic Group gipatindog si Cabrera ug sa dihang gipangutana asa ang iyang balay nasuko kini ug gitudlo tudlo ang mga kapolisan.
Nasayran nga hubog ang maong tawo rason nga gibalhog kini sa Talomo PNP.
Kasong disobedience with the authority ang atubangon nga kaso ni Cabrera.
RadyoMaN Paul Canono
