Prisohan ang gidangatan karon sa usa ka lalaki tungod sa iyang pagmolestiya sa usa ka menor de edad, nahitabo kini 2:40Pm dili palang dugay.
Human mitaho sa kapulisan sa Liloy ang nagpakabanang lungsuranon nga kung diin matod pa gi molestiya ang 6 anyos nga bata didto sa brgy El Paraiso sakop sa maong lungsod.
Dali usab mi responde ang mga pulis human nadawat ang taho ug didto malampuson nga nasikop si Richard Corporal Neri alyas “Botchoy”, 26 anyos residente sa maong barangay.
Sa gihimong makuti nga imbistigasyon nasayran, 2:00 Pm niadtong petsa 30 sa Enero ang biktima nga menor de edad nagdula matod pa duol sa punoan sa Labana nga duol ra usab kini sa ilang balay, matod pa pugsanon kining gibira sa suspek ug gihikap ang pribadong parte sa lawas sa bata.
Sa pagkakaron, pormal na kining gipasakaan ug kaso sa korte tungod sa paglapas sa R.A 7610 *AN ACT PROVIDING FOR STRONGER DETERRENCE AND SPECIAL PROTECTION AGAINST CHILD ABUSE, EXPLOITATION AND DISCRIMINATION, AND FOR OTHER PURPOSES*
