LALAKI NAG-ATUBANG SA KASO NGA VAWC, 72 MIL PESOS ANG PYANSA

35

Mokabat sa 72 mil pesos ang kantidad sa gitugot nga pyansa alang sa usa ka lalaki kinsa nag-atubang sa kaso nga VAWC kun Violence Against Women and Children didto sa dakbayan sa Dapitan.
Usa ka Anthony Belotindos Carreon, 33 anyos, residente sa Barangay Banonong ang giaresto sa mga tinugyanan sa kapolisan sa maong syudad pinaagi na sa Warrant Server ug Intel Operatives.
Ang akusado gisikop pinasikad sa warrant of arrest nga giluwatan ni Judge Jose Rene Dondoyano sa RTC, 9th Judicial Region Branch 7 dakbayan sa Dipolog kaniadto nga Nobyembre 24 ning kasamtangan nga tuig tungod sa pagyatak sa RA 9262 nga nakadukit sa cc# 24363 ubos sa pagtugot nga makapyansa sa kantidad nga 72 mil pesos.
Anaa na kini ilawom sa kustodiya sa Dapitan CPS alang sa tukmang disposasyon. (chai) -30-

Facebook Comments