Tulo ka mga biktima ang nakaangkon ug samad sa nahitabong pagpangduggab didto sa Purok San Juan, Brgy. Baybay, lungsod sa liloy sa miaging byernes, sa may 8:00PM.
Ang person of interest mao si Manolito Lasola Malalay, 22 anyos, kinsa miluba sa iyang ka live-in partner nga si Jonalyn Naong, 33 anyos pulos kini sila residente sa nahisgutan nga lugar.
Maayong pagka igo sa duha ka paa ug walang bahin sa iyang siko ang biktima sa dihang gidunggab kini ni Manolito. Samaran usab si Jovy Navarro Ellima, kinsa misulay unta pag ulang sa duruha apan naapil pa hinuon kini sa pag dunggab nga miresulta sa pagkasamad sa iyang tiyan.
Naapil pud pagkasamad sa tuhod ang minor de edad nga si Philip Degamo Nehyeban, 7 anyos, niadtong tungura tapad kadto sa bikima nga si Jonalyn.
Sa gihimong pag imbistiga ni PO2 Argie Manayon Lihay-lihay, nasayran nga bag-o kadtong naabot ang live in partner sa person of interest gikan sa Manila, gani kaduha na ka higayon kadto mi uli.
Saysay pa ni Manolito sa pag imbistiga ni PO2 Lihay-lihay nga daw sa gibaliwala nalang siya bisan paman maayo ang iyang relasyon sa mga igsuon niini sa iyang live-in partner iya usab namatikdan nga bugnaw na ang pagtagad kaniya ni Jonalyn.
Sa nahitabong insidente hubog si Manolito sa dihang iyang gihimo ang pagpangluba, Selos ang gitan-aw karon nga motibo sa kapulisan sa maong insidente.
Karong adlawa, human nga naaresto dad-on na kini sa korte para pormal nga pasakaan ug kaso, posibleng Multiple Frustrated Murder ang atubangon ni Manolito.
