Sa pakighinabi sa DXDC RMN Davao kang Police Staff Sergeant Marcelino Simbajon, imbestigador sa Laak Municipal Police Station (MPS), iyang giila ang biktima nga si Emeliano Mansano, 54 anyos, minyo, supervisor sa usa ka kumpanya ug residente sa Purok 4, Barangay Cebulida, Laak, sa maong probinsya.
Saysay sa imbestigador nga tungod sa pagsemento sa dalan, nakankan ang yuta duol sa poste nga iya sa Northern Davao Electric Cooperative, Inc. (NORDECO), rason nga naghirig na kini ug nagbaton usab og problema sa kuryente ayha kini natumba atol sa pag-agi sa biktima.
“According sa taga NORDECO nga nag-conduct og inspection didto, is nag-ground ang poste. Maong nisiga unya kadto iyang banting didto, naputol. Mao tong natumba,” matud sa imbestigador.
Gilayon usab nga gidala sa ospital sa Tagum ang biktima ug gipasalig usab sa electric company nga tabangan ang biktima ilabi na sa iyang medikasyon.
RadyoMaN Kirby Manzon
