RMN Laoag – Natay ti maysa a lalaki kalpasan a kinettelna ti bagina babaen ti panagbekkelna iti kayo ti Madre de Cacao usar ti tali sadiay Vintar, Ilocos Norte.
Nabigbig ti biktima a ni Reynie Ubay y Dalere, agtawen ti 54 ken agnanaed iti Barangay Manarang iti nasao nga lugar.
Basar iti duktal ti Philippine National Police, rumrumuar a pimmanaw ti pagtaenganna ti biktima a saan a nagpakada. Nagdanag met ni kabsatna a ni Emmanuel ta ‘dina masarakan daytoy.
Nakellaat laeng ni Emmanuel idi ta nakita na laengen ti kabsatna a nakabitin iti puon ti Madre de Cacao nga awan ti puotna. Nagusar ti tali ti biktima nga addaan ti innem a kadapan ti kaatiddogna.
Naitaray pay laeng ti biktima iti Rural Health iti nasao nga ili ngem naideklara daytoy a dead-on-arrival babaen kenni Dra. Heidi Marita G Albano.
Awan met nakita ti otoridad a ‘foul play’ mainaig iti daytoy.
Bernard Ver, RMN News
