Davao city- Wala na makabalik sa Surigao Del Sur, ang usa ka lalaki human nakuhaan og armas nga walay lisensya sa checkpoint sa Lasang, syudad sa Davao alas 11:00 sa gabii.
Ang suspek nga si Godofreso Lesiquez, 52 anyos, minyo, ug residente sa Bislig City, Surigao Del Sur, naharang sa PNP-Task Force Davao Checkpoint sa Licanan, Lasang, dakbayan sa Davao. Nakumpiska sa posisyon ni Lesiquez, ang usa ka 9mm ug .45 pistol nga dunay mga bala sakay sa Fortuner nga walay plate number.
Sumala pa, walay gipresenta nga lisensya ang suspek isip pamatuod nga legal ang iyang pagkupot og mga armas de puego ngadto sa mga otoridad, hinungdang gisikop kini.
Giandam na sa kapolisan ang tukmang kaso batok sa dinakpan tungod sa kalapasan sa Republic Act 10591 (Illegal Possession of Firearms).
RadyoMaN Joel Viray
