Davao City – Patay ang usa ka lalaki sulod sa usa ka peryahan sa Purok Bayanihan, Brgy. Magugpo West, Tagum City nahitabo alas-3:00 sa kadlawon sa adlaw’ng Biyernes.
Biktima giila nga usa ka Mark Grafil, 34-anyos, ug residente sa St. Therese Subdivision, Brgy. Canocotan, Tagum City.
Sa report sa Tagum PNP, nagdula sulod sa peryahan sa maong lugar diin kalit niabot ang wala mailhing suspetsado dayon pusil sa biktima sa duha ka higayon tumong sa ulo ug miresulta sa hinanaling kamatayon.
Daling miikyas ang suspek sakay sa motorsiklo sa wala matinong direksyon.
Narekober sa crime scene ang bala sa caliber 9mm pistol ug giturn over sa Davao Norte Crime Laboratory aron ma examine.
Gidala ang patayng lawas sa biktima sa Rubio Funeral Services samtang usa sa gilantaw sa kapulisan nga personal nga bangi ang motibo sa maong krimen.
RadyoMaN Jason Amisola
