Davao City – Patay ang usa ka 63 anyos nga lalaki nga si alyas Ponso, residente sa San Francisco de Asis, Matina ning siyudad, human gibitay niya iyang kaugalingon gamit ang pisi.
Sumala pa sa anak sa biktima nga alas 6:00 sa kabuntagon nisulod kini sa kwarto sa iyang amahan ug nakita nga nagbitay na kini ug wala nay kinabuhi.
Subay sa imbestigasyon sa kapolisan sa Talomo ngadto sa kabanay ug paryente sa biktima, naga- antos sa sobrang labad sa ulo ug sige’g suka sa matag adlaw ug gabii ang biktima diin nasayran sa medical records niini nga aduna kini sakit nga cancer.
Sa maong mga pamahayag, kini ang gilantaw nga rason kinsa ang biktima wala na maka agwanta sa gibati niini diin siya na mismo naghukom nga taposon ang sakit ug pag-antos sa kinabuhi.
RadyoMaN Paul Canono
