Lalaki naghunos sa kaugalingong kinabuhi human giingong gibiyaan sa kapuyo

Davao City – Napalgan na lamang nga nagbitay ug wala nay kinabuhi ang usa ka lalaki sa usa ka abandonadong balay sa Brgy. Sto. Niño, Carmen, Davao del Norte pasado alas 6 sa buntag niadtong December 26, 2023.

Sa report sa Carmen Municipal Police Station (MPS), gisaysay sa kapamilya sa biktima nga una na kining gibiyaan sa iyahang kapuyo dala ang ilahang anak dayong gitanggal sa trabaho nga walay igong rason.

Dako ang pagtoo sa pamilya ug kabanay nga gibuhat sa lalaki ang pagtapos sa iyahang kaugalingon tungod matud pa sa depression.

Wala usab nakita nga foulplay ang kapulisan sa ilahang imbestigasyon.

Alang sa mga nakasinati og mental health problem sama sa depression o adunay mga kaila nga buot magpa-counsel, mamahimong mu-konekta ug magpatabang sa DOH suicide prevention hotline sa numerong 0917-899-8727 o sa 989-8727 (USAP).

Mamahimo usab mu-contact sa Philippine Mental Health Association (PMHA) Davao Chapter alang sa FREE CONSULTATION, COUNSELING, AND PSYCHOTHERAPY SESSIONS (ONLINE/FACE-TO-FACE). Ania ang ilang contacts: Tel No. (082) 298-8570, mobile number: 0936-461-7436, o Facebook Page nga PMHA Davao Chapter.

RadyoMaN Ivy Parido