Davao Occidental – Posibleng moatubang og kasong kalapasan sa illegal possession of firearms and ammunition batok sa usa ka lalaki human nanion og armas kinsa miingon nga usa ko ka sundalo sulod sa usa ka Resto Bar sa lungsod sa Malita, Davao Occidental.
Kahinumdomang mireklamo sa Malita PNP ang usa ka Reden Calnantok, 27 anyos, usa ka welder nga matud pa alas-2:30 sa kaadlawon samtang kining complainant nag-inum niadtong tungora, kalit niabot ang suspek ug nangita sa usa ka tawo nga taas ug buhok dayon miingon “asa na siya balikan tamo pamusilon tamo army ko.”
Nagtuo ang mga nag-inum ug mga nakasaksi nga komedya lang ang gihimo sa suspek niadtong panahona apan pipila kaminutos ang milabay niabot ang suspek ug nagdala og usa ka long firearm kun M14 ug nanion sa mga nag-inum apan maayo nalang abtik nakuha sa iyang kauban ang magazine sa maong armas dayon misibat ang suspetsado sa wala matinong lugar.
Samtang naglusad na karon og dugang imbestigasyon ang kapulisan sa Malita PNP aron masayran kung kinsa nga suspect ug aron mapasakahan og kaso.
RadyoMaN Don Pulayao
