Segun ni Kapitan Ungab, ang maong lalaki kinsa usa ka manambalay o espiritista sa Calinan, ang wala mipatim-aw sa dayalogo sa Barangay Kagahapon adlawa.
Sumala sa Kapitan, ulahi na niya nasayran nga atua diay sa Cotabato ang naasoy nga espiritista human giatake sa iyang balatian.
Natumbok ni Kapitan Ungab, ang maong tawo maoy nagsabwag sa sayop nga inpormasyon human nagpadala og sulat kang Davao City Mayor Sebastian ‘Baste’ Duterte sa duha ka higayon nga nagbutyag nga ang Bao-Bao nga gigamit sa Bragas Rape Slay Case, atoa gidala sa Lupon, Davao Oriental.
Apan dihang gipangutana sa Opisyal ang Espiritista diin kini gikan sa istorya, gisulti matod pa kini sa espiritu kaniya butang nga gisupo ni Kapitan Ungab sanglit ang maong rason dili kini dawaton sa Korte ugali hingpit mukaso si Sergeant Lawas batok kaniya.
Gumikan sa malisyusong estorya nabutang matod pa sa alanganin ang imbistigasyon sa Bragas Rape Slay Case kansa gikonsiderang case closed sa SITG BRAGAS ug Davao City Police Office, apan wa pa’y kumento si City Director Police Col. Alberto Lupas kabahin niini.
Magpaabot na lamang ang Barangay nga makabalik sa Calinan gikan Cotabato, ang naasoy nga espiritista ug hayan kasohan ni Police Sergeant Cocoy Lawas kauban kang Perez, tungod sa paglambigit kaniya sa Bragas rape slay case.
RadyoMaN Joel Viray
