ILOILO City – Nagapamulot pa sang iya animo ang isa ka lalaki sang ginpamangkot sang RMN News Team kon nga-a wala ini makahibalo nga naglab-ot na sa linibo ang iya bill sa night club rason nga wala niya ini mabayran.
Sa pahayag ni Richard, 33 anyos sang Jereos Lapaz, is aka driver, nagsulod sila sang iya amigo sa isa ka night club kagab-i, Noviembre 15, 2018 kag nagkuha sang VIP room.
Magluwas pa diri, nagkuha sila sang isa ka babaye kag nag-order sang mga ilimnon.
Subong man, gintake-out snag iya amigo ang babaye kag siya na lang ang nabilin nga anga-inom sa VIP room.
Alas 2 sa kaagahon, gintuktok sang tag-iya sang club si Richard sa VIP room agud ihatag ang bill nga P4,180 kag kuhaon ang iya bayad bangod masarado na sila.
Suno kay richard, nakibot man siya bangod sa paglaum niya nabayran sang iya amigo ang ila bill sa club.
Nahibaluan nga P900 ang kwarta ni Richard gani nagrason ini sa tag-iya snag club nga manigarilyo kag tuyo kuntani nga malagyo apang nadakpan gid ini.
Preso karun si Richard sa karsel sang Iloilo City Police Station number 1.
Preso ang isa ka lalaki sa police station number 1 matapos nagsulod sa nightclub kag nag-order sang mga ilimnon apang wala sang inugbayad.
Suno kay PO3 Raul Robite, imbestigador sang police station number 1, preso si Richard sa karsel sang PP1 kag makagwa lamang ini kon mabayran niya ang gin-inom sa nightclub kag kon magpahayag ang tag-iya nga indi na ini magpasaka sang kaso.
Photo from web
