Sikop sa Task Force Davao ug Calinan Police Station, ang usa ka lalaki nailang Jay Cris Empig Sajulga, 40 anyos, sales representative, residente sa Purok 4-A, Brgy.Mailag, Valencia City, Bukidnon, human naharang sa Checkpoint sa Calinan, niadtong Agosto 25, 2023 alas 10:40 sa gabii sa Purok 2, Brgy. Lacson, Calinan District, Davao City.
Sa report sa Calinan Police Station, nakuhaan ang suspect og usa ka improvised glass tooter nga adunay mga timailhan sa gisunog nga shabu ug mga illegal drugs paraphernalia. Nakita sulod sa iyang sakyanan duol sa hand break sa iyang sakyanan nga adunay plate number BAC 2615.
Ang suspect mag-atubang og kasong kalapasan sa RA 9165 Comprehensive Dengerous Drugs Act of 2002. Ang pagkasikop sa suspetsado, kabahin sa gipahigayong Regional Simultaneous Anti-Criminality Law Enforcement Operation thru ( SACLEO) One Time Big Time operation (OTBT).
RadyoMaN Don Pulayao
Facebook Comments
