Davao City – Nagpatabang sa Presinto Dos ang usa sa ka ulitawo human nalimasan og kapin tres mil ka pesos sa nagpailang fixer sa Land Transportation Office 11.
Sumbong ni Joel Reveche, 39 anyos, ug nagpuyo sa Barangay 5-A Bankerohan sa San Pedro Pnp nga wala na nagpatim-aw kaniya si Jayson Atuel human nadawat ang 3,500 pesos nga gibayad alang sa paglukat og Driver’s License.
Sumala ni Reveche, mitanyag ang suspek nga siya nalang magproseso sa paglukat og driver’s license bugti sa bayad nga sa maong kantidad.
Apan human nakuha ang sapi wala na nagpakita ang suspek ug dili na usab makontak sa biktima hinungdan midangop kini sa kuwerpo sa kapulisan.
RdyoMaN Don Pulayao
Facebook Comments
