LALAKI NAKAANGKON MGA SAMAD TINIKBASAN

40

Nakaangkon ug mga samad sa nagkadaiyang parte sa kalawasan ang usa ka biktima sa pagpanikbas bag-ohay pa lamang didto sa Barangay Baylimango sakop sa syudad sa Dapitan. Sa nakutlong kasayuran gikan sa Dapitan CPS nasayran nga ang biktima usa ka Ricky Pableo Sol, 37 anyos, ulitawo samtang ang suspek nailhan nga usa ka Almer Beronguez Calunsag, 45 anyos, minyo ug mananagat diin ang duha pulos molupyo sa Sitio Cavite sakop sa Barangay Baylimango. Base sa imbestigasyon sa kapolisan migula nga sa wala pa mahitabo ang pagpanikbas, ang duha nagsumbagay pa kini tungod sa wala panagbikil ug wala pagsinabtanay. Ang suspek nga si Calunsag mipauli kini ug sa dihang pagbalik, kalit kini nga nanilbas sa biktima hinungdan nga nakaangkon sa mga samad sa tuong paa ug ulo niini. Daling gidala sa tambalanan sa syudad si Sol diin anaa na kini ra kini sa luwas nga kahimtang samtang nasikop ra usab ang suspek sa dihang boluntaryo kini nga mitahan sa iyang kaugalingon. (chai) -30-

Facebook Comments