Davao City – Napalgan-patay alas 7:30 sa buntag ang usa ka lalaki sa may Chikoy Car Exchange nahimutang sa dalang J.P. Laurel Ave., siyudad sa Davao.
Sa imbestigasyon sa kapolisan, nasayran nga ang biktima mao si Arche Sursona, 36 anyos, stay-in woker sa maong establisemento.
Sumala pa sa witness nga si Jaymar Limbunan, taga-Malita, Davao Occidental, kauban ni Sursona sa trabaho, gisulayan niya kini’g mata human sila natulog sulod sa bunkhouse apan wala kini niresponde ingon man nilihok.
Migula sa imbestigasyon sa kapulisan nga wala gi-unsa ang biktima ug gituohang gi-urom kini.
Sa karon gidala na sa Angel Funeral Parlor ang patay’ng lawas sa biktima ug ipailawom sa awtopsiya aron masayran kun unsa ang hinungdan sa iyang kamatayon.
RadyoMaN Don Pulayao
