Aurora, Zamboanga del Sur- Padayon pang gi-imbestigahan sa Aurora MPS ang usa ka patay nga lawas nga nakaplagan dihang dapita sa Old National Highway, Purok Asunsion, Brgy Inasagan,Aurora, Zamboanga del Sur kaniadtong nakalabay nga adlaw sa may alas 12:30 sa kadlawon.
Naila ang patayng lawas nga si Santiago Ompad, minyo,usa ka mag-uuma og residente kini sa Purok Sto Niño, Barangay Libertad, Aurora, Zamboanga del Sur.
Base sa inisyal nga imbestigasyon sa kapulisan nasayran nga samtang nagsakay sa single motor ang usa ka Mario Inglis kauban ang pag umangkon niini gikan sa Barangay Libertad paingon sa Barangay Inisagan aduna silay nabantayan nga lalaki nga nag buy-od sa kasagbutang bahin nga kilid sa kalsada og adunay dugo nga migawas sa baba og ilong niini.
Dali nga mitaho sa buhatan sa kapulisan sa Aurora si Mario hinungdan nga girespondihan gilayon kini.
Tags; RMN DXPR Pagadian 603
