Sa interbyu sa DXDC RMN Davao kang Jules Marques, responder sa Municipal Disaster Risk Reduction and Management Office (MDRRMO)-Malita, iyang gibutyag nga ang biktima giila sa pangalan nga si Segundino Bedaña alyas “Pugoy,” hingkod og edad ug residente sa maong barangay.
Segun pa ni Marques, usa sa nakakita nga si Arnel Luciano samtang namukot niadtong orasa, nakit-an na lang ang biktima nga nagbuy-od sa kilid sa sapa.
Base sa pamahayag sa pamilya sa biktima, kagabii samtang nag-inom kini kauban sa iyang mga barkada, pag-uli niini gihatud pa kini sa iyang duha ka anak. Apan pag-abot sa alas 11:00 sa gabii, wala na kini mabantayi ug milakaw. Posibleng naanod kini sa baha tungod sa kusog nga pag-ulan niadtong tungora.
Ang patay’ng lawas sa biktima gidala na sa usa ka punerarya sa lungsod sa Malita, Davao Occidental.
RadyoMan Don Pulayao
