Lalaki nakaplagang patay sa sapa

67

Davao City – Patay nang nakaplagan sa kapolisan sa Toril ang usa ka lalaki nga nakit-an sa Lipadas River, Daliao, Toril, Davao City.

Biktima mao si Constancio Malura Pangan, 56 anyos, mag-uuma nga taga-Purok 18, Upper Sirib, Calinan ning syudad.


Nakadawat og tawag ang kapolisan kabahin sa maong report human nakita sa usa ka alias Gary sa dihang motabok na kini sa nahisgutang sapa paingon sa Tugbok ug iyang nakita ang patayng lawas diin dali niyang gireport sa mga Barangay Officials sa Brgy. Daliaon Plantation, Toril, ning syudad.

Saysay sa kabanay sa biktima nga ulahing nakita ang biktima niadtong Enero 15 ning tuiga, ala 1:00 sa kadlawon nga nag-inom kuyog ang mga higala niini sa Sirib, Calinan, syudad sa Davao.

Ang biktima dunay samad sa likod nga bahin samtang kapolisan sa Toril padayon pang naghimo og imbestigasyon.

RadyoMaN Paul Canono

Facebook Comments