Davao City – Usa ka patayng lawas ang nakaplagan alas 8:30 sa kabuntagon nga nagbuy-od sulod sa kwarto nga girentahan niini sa El Rio Vista Village, Phase 1 Barangay 19-B, syudad sa Davao.
Sa report gikan sa San Pedro Pnp naila ang biktima nga usa ka Roger Agrabiador, 27 anyos nagpuyo sa nahigustang lugar.
Pasiunang imbestigasyon sa kapolisan sa pagpanguna ni Sr.Police Officer 1 Julito Honor ang nakakita matod pa sa patay’ng lawas mao si Marcos Campaan kauban sa trabaho sa biktima.
Dugang sa blotter, gipangita sa Manager ang maong lalaki gumikan wala kini makaduty sa trabaho.
Saysay sa witness iyang gilili ang girentahan nga boarding house sa lalaki ug didto iyang nakit-an ang nag buy-od nga lawas sa biktima.
Daling nanawag sa Central 911 si Campaan apan mideklara ang mga medic team nga wala nay kinhabuhi si Agrabiador.
Gipailawom na sa autopsy ang patay’ng lawas sa biktima samtang gihaya na kini sa Angel Funeral Homes ning syudad sa Davao.
RadyoMaN Don Pulayao
