Dipolog City – Wala nay kinabuhi ang usa ka lalaki nga nakaplagan sulod mismo sa iyahang lawak-higdaan sulod sa balay gisak-an niini sa may Romero Drive Brgy. Turno dakbayan sa Dipolog.
Naila ang biktima nga si Kent Rehedor Maghinay, 39 anyos, ulitawo lumad nga taga Pedro Manok St. Brgy. Dawo dakbayan sa Dapitan ug temporayong nagpuyo sa balay sa iyang igsuon sa Brgy. Turno kinsa gituohang giatake sa sakit.
Subay pa imbistigasyon kapolisan nga sigun sa tag-iya sa balay nga si Bobby Maghinay nga alas 7:00 ang takna sa niaging buntag, gibilin nag-inusara ang biktima sa ilang balay kay molarga kini sa manila uban iyang asawa.
Apan sa ilang pag-uli, paghidangat sa Dipolog Airport gikatingala niini nga dili na motubag sa tawag diha sa Cellphone.
Mao nalang naabtang sa may kwarto balay ang biktima nagkulob ug wa nay kinabuhi.
Sa gihimong postmortem examination ni Dr. Rowel Mata M,D nasuta niini nga ang gikamatayan sa nasampit nga biktima mao ang Acute Myocardial Infarction us Acute Hemorrhagic Pancreatitis ug way nakitang foul play sa hitabo.
Sa karon anaa na sa lokal nga punerarya sa dakbayan sa Dapitan ang nahisgutang lalaki.
