Davao City – Mag-atubang og kasong paglapas sa Republic Act 10591 kun “Comprehensive Firearms and Ammunition Regulation Act” ang usa ka lalaki nga nadakpan atol sa gihimong ‘Operation Kapkap’ sa Tagum City Police Station (PS) alas 3 sa kaadlawon kagahapon, Mayo 5, 2023.
Sa impormasyon sa Davao del Norte Police Office, giinspeksyon ni Police Lieutenant Colonel Jeffrey Latayada, Officer in Charge (OIC) sa Tagum City PS uban ang mga Civilian Security Officer, ang videoke bars sa Barangay Mankilam kung asa naaresto ang usa ka alyas Ruel, 35 anyos, residente sa Barangay San Miguel, Tagum City, Davao del Norte.
Nakuha sa iyang posisyon ang usa ka .45 nga pistola, 2 ka magazines ug 19 ka mga buhing bala. Walay igong dokumento nga mapakita ang suspek sa maong armas rason nga kini nadakpan.
Padayong giawhag sa awtoridad ang Tagumeños nga i-report ang mga kadudahag aktibidad o mga krimen sa ilang komunidad pinaagi sa pag-contact sa Tagum City PS hotline number, 0919-748-5024.
RadyoMaN Kirby Manzon
Facebook Comments
