Sirawai, Z.N – Kasong paglapas sa Akta Republika 10591 o illegal possession of firearms and ammunition ang giatubang karon sa usa ka 32 anyos nga lalaki human kining nakuhaan armas og mga bala dihang gisita sa checkpoint nga gimongtar sa mga otoridad sa may national highway Brgy. Bitugan, sakop sa lungsod Sirawai, Zamboanga del Norte.
Nakuha sa posisyon ni Adjid Abondol Sariol, ang cal .45, colt serial number 124451 nga kargado sa unom ka mga buhing bala diin ang maong dinakpan usa ka mag-uuma nga taga barangay Panabutan, sakop sa maong lungsod.
Ang checkpoint gimongtar sa Sirawai MPS sa pagpanguna ni OIC- PSI Alexie Palisoc uban ang 905th Regional Mobile Force Battalion (RMFB) gipangulohan ni PSI ALLAN R. ROSETE ug ang 42nd IB PA sa pagpangulo sab ni 2nd LT. Jaynon Basoy, Kon diin sakay ang suspek sa motorsiklo kolor pula nga walay plaka numero og gani misulay paglikay sa checkpoint ang nahisgutan apan nababagan gihapon kini dihang namatikdang dunay gitakin nga armas ug nasuta sa nga walay permit to carry outside residence.
Sa karon ang dinakpan kasamtangan na kining gipriso sa Sirawai Municipal Police Station.
