SAGAY CITY, NEGROS OCCIDENTAL – Dakup sa checkpoint ang isa ka lalaki nga may dala armas nga wala lisensya kagab-I sa Brgy. Maquiling, Sagay City.
Ginkilala ang nadakpan nga si Democrito Dela Rosa, 55 anyos ang edad, pumuluyo sang Brgy. Minapasok, Calatrava.
Suno sa report, ang Sagay City Police Station upod ang mga traffic enforcers ang nagpatigayon sang checkpoint sa Purok Katipungan, Brgy. Maquiling kag didto naaresto ang suspek bangud sang ginahuptan sini nga armas.
Nakuha kay Dela Rosa ang isa ka KG9 nga armas nga may 2 ka long magazine kag isa ka silencer.
Sa karon detained na sa custodial facility sang Sagay City Police Station ang suspek kag ginahulat ang kaso nga igapasaka sa iya, violation sang RA 10591 ukon illegal possession of firearms./File photo
