Prisohan ang gidangatan karon sa usa ka lalaki human kini nasikop sa personahe sa Siocon MPS.
Nga kung diin ang buhatan sa maong police station nakadawat kini ug tawag mga 3:30PM niadtong nakalabyang adlaw, gikan sa usa ka opisyal sa barangay nga mao si Kag. Nilo G. Cariño partikular sa may barangay Riconalla sakop sa maong lungsod aron mangayo ug tabang sa Pulis.
Dali usab nga miresponde ang grupo sa kapulisan ug didto ilang naapsan si Junnie Asman Lumangoy, 39 anyos, molupyo sa Brgy. Makiang, lungsod sa Siocon, hinuon na neutralize na kini sa brgy. Kagawad.
Sa pag imbistiga sa kapulisan, nasayran nga nagmugna kini matod pa ug kagubot sa maong dapit ug nagdala kini sa wala matino nga armas de fuego.
Sa paghidangat sa mga pulis dali usab nga gihatag sa suspek ang iyang armas ngadto sa otoridad ug didto nasuta ang maong armas usa ka kalibre 45, adunay Serial No. 694713, ug kargada kini sa unom (6) ka buhing bala.
Sa pagkakaron pormal na nga gipasakaan ug kaso ngadto sa korte ang dinakpan tungod sa paglapas sa R.A 10591 *Otherwise Known As The “Comprehensive Firearms And Ammunition Regulation Act”*.
