Sindangan, ZDN-Hulog sa kamot sa mga tinugyanan sa balaod sa lungsod sa Sindangan ang usa ka 24 anyos tungod sa paglapas sa Comelec Gun Ban.
Mismo si Police Major Domingo S Murillo II ang nanguna sa paghimo ug follow-up operation human nga aktong nasapon ang usa ka batan-on nga adunay 38 nga pistola didto sa brgy. Pangalalan, Sindangan, ZDN sa may 3AM kagahapong adlawa.
Ang dinakpan mao si Neilboy Cardiente Balabagan, residente ra usab sa mao nga dapit.
Pasakaan kini ug kasong paglapas sa COMELEC Resolution no. 10446, sec 261 sa Omnibus Election Code Art XXII, Sec 32 of RA 7166.
Ang maong ulitawo anaa na karon nagtingkagol sa locked-up cell sa Sindangan samtang ang armas nga nakuha anaa karon gikustudiya sa PNP Sindangan.
Facebook Comments
