Mag atubang ug kasong paglapas sa R.A 10591 “Comprehensive Firearms and Ammunition Regulation Act”. Ang usa ka indibidwal human kini na imbargohan ug armas de fuego didto sa may Sitio Tulaksaw Brgy. Sas, lungsod sa Gutalac.
Kahibaloan nakadawat ug taho ang kapulisan sa nahisgutan nga lungsod gikan kang PFC Arsenio Fernandez, team leader sa Sas Detachment (SF) pinaagi na usab sa ilang civilian informant.
Dali kining gerespondihan sa Gutalac PNP sa pagpangulo ni SPO3 Leonel Somosa Palacay, anaa usab ang presensya didto ni PFC Arsenio Fernandez ug ang 13th SF company sa pagpanguna ni CPT Jaime V. Abibas nga naka base sa Siocon.
Didto ilang naatubang si Jovani Camsain y Topang human ilang gi adto sa mismong panimalay niini.
Sa moang higayon namatikdan sa mga meresponding tinugyanan sa balaod nga adunay nagbabag sa hawak niini, hinungdan nga gi tan-aw kini ug positibo nga adunay armas.
Nakuha kang Jovani ang 38 kalibre revolver adunay SN 756667, kargado kini sa upat ka buhing bala lakip ang usa ka pares sa combat boots.
Kasamtangan karong nagtingkagol sa balay bilangguan human kini naaresto may kalabot sa paghupot sa maong armas.
