![WEBSITE-18-×-10-in-2024-02-26T075933.799.jpg](https://i0.wp.com/rmn.ph/wp-content/uploads/2024/02/WEBSITE-18-×-10-in-2024-02-26T075933.799.jpg?resize=696%2C387&ssl=1)
Sa interview sa DXDC RMN Davao kang PCpl. Johnfrox Senarillos, imbestigador sa Malita Municipal Police Station (MPS), giila ang biktima nga si Eric Baligasa, 50 anyos, panday, ug residente sa nahisgutang lugar.
Saysay sa imbestigador nga pasado ala 7:00 sa buntag niadtong adlawa, gipul-ongan ni Baligasa ang punoan sa Nangka sa ilang silingan, apan wala niya nabantayan nga naigo sa iyang pinutol nga sanga ang linya sa kuryente, hinungdan nga siya nakuryentehan. Gilayon usab nga gi-report ang insidente sa kapulisan ug narespondehan.
“Kadtong kahoy, kadtong iyang gisaka, gipul-ongan niya then naigo sa live wire mao to (nakuryentehan sya). Unya gaulan pagkabii, mao to’ng basa ang kahoy,” saysay sa pulis.
Samtang, sa pagpahibalo sa anak sa biktima nga si Lealyn ngadto sa ilang kabanay, gibutyag niya nga duna matud pay nagsugo sa iyahang amahan, sukwahi sa istorya nga kini boluntaryo lamang nga namul-ong sa maong kahoy. Padayon karong giimbestigahan sa otoridad ang maong insidente.
RadyoMaN Kirby Manzon