Sa interbyu sa DXDC RMN Davao kang Police Lieutenant Colonel Ernesto Gregore, Chief of Police sa Mati City Police Station, giila niini ang biktima nga si Marchal Ladiamoda, 49 anyos, minyo ug residente sa nahisgutang lugar.
Saysay ni Gregore nga samtang gipamutol sa biktima ang sanga sa kahoy sa Gmelina, nasangit ang usa ka sanga sa live wire ug didto na nakuryentehan ang biktima rason nga nakaangkon kini og sunog sa kalawasan nga rason usab sa iyang kamatayon.
Pahimangno sa kapulisan nga magpatabang sa awtoridad kung mamutol og kahoy labi na og kini risgo sa peligro o disgrasya.
“Dapat ang mga ingon ana, kanang mga kahoy ilahang trim’an, ilabi na’g duol sa poste, mo-seek gyud sila’g assistance either sa electric cooperative ba or sa City Engineering Office or sa CDDRRMO (City Disaster Risk Reduction and Management Office),” sulti ni Gregore.
Gidugang sa police official nga mipasalig usab ang lokal nga panggamhanan nga matabangan ang pamilya sa biktima human sa insidente.
RadyoMaN Kirby Manzon
