Davao City – Nagpatabang sa kapolisan sa Sta. Ana ang usa ka estudyante human gikumot ang iyang dughan nahitabo ala 1:40 sa kaadlawon atol sa pagsaulog sa ilang kapistahan sa may Prk. 9, South Bay, Brgy. Lapu-Lapu ning siyudad sa Davao.
Sa report gikan Sta. Ana PNP, naila ang biktima nga si alyas ‘Kay’, 19 anyos, dalaga, estudyante, samtang ang suspect giila nga si Ramil Ebajan, 35 anyos, pareho nagpuyo sa nahisgutang barangay.
Matud pa samtang ang biktima nigawas sa ilang balay padulong sa videoke house kalit gisugat sa suspect dayon kumot sa dughan niini hinungdang gisagpa sa biktima ang suspect.
Priso na karon sa Sta. Ana PNP ang suspitsado ug pursegido ang biktima nga mupasaka og kasong sexual harassment batok sa suspect.
RadyoMaN Don Pulayao
