Tungod sa kahadlok sa biktima ngadto sa suspek nga nagdala ug hinagiban dali kini siya nga mitaho sa kapulisan sa Gutalac aron ipasikop sa mga tinugyanan sa balaod.
Ang biktima mao si Alma Petanas Duterte, 48 anyos, menyo ug residente kini sa may Brgy. Mamawan, lungsod sa Gutalac, nahitabo ang maong pagpang harass matod pa mga 10:00AM niadtong nakalabayng adlaw.
Saysay pa sa biktima nga si Alma nahidangat matod pa sa ilang panimalay si Ranelito Santos Dionaldo, 38 anyos, usa ka mag-uuma molupyo kini sa maong barangay ug armado kini sa duha ka sundang, nanghagit matod pa kini ug away ug mibahad nga patyon siya.
Dali usab nga mi responde ang kapulisan may kalabot sa maong panghitabo, paghidangat sa mga pulis ila pang nasapon nga padayon ang pagpang hasi niini ngadto sa biktima.
Malampuson usab nga naaresto si Ranelito sa mga pulis ug gidala kini sa ilang buhatan aron pormal nga pasakaan ug kaso may kalabot sa reklamo ni Alma, samtang ang nakuha nga sundang anaa karon sa kustodiya sa kapulisan aron magamit nga ebidensya.
