Kasong act of lasciviousness ang gipasaka sa reklamante ug kapulisan sa gitudlong indibidwal nga naghimo ug pagmolestiya sa usa ka menor de edad didto sa Brgy. Uno lungsod sa Katipunan, ZDN sa miaging adlaw.
Dali kini nasikop sa kapulisan uban sa brgy. Opisyal sa brgy. Uno ang usa ka 31 anyos nga si Eric Gumalal kinsa maoy gitudlo sa 17 anyos nga dalaga nga nagtamastamas sa iyaha.
Sa gihimong pag imbistiga ngadto sa biktima, kini si Eric ang misulod matod pa sa kwarto sa dalagita ug nakurat na lamang siya sa dihang iyang nabati nga adunay nanguyamang sa pribadong parte sa iyang lawas,gani gipugngan usab siya aron didto na unta buhaton ang dili maayong plano ni Eric Gumalal apan swerte nalang nga naka eskapo pa kini ug nakapangayo ug tabang.
Didto na kini karon sa mabugnaw nga rehas naghimas-himas ug nag atubang na sa kaso.
