Nalandig sa balay tambalanan ang usa ka biktima human kini gidunggab sa usa ka person of interest nahitabo kini partikular sa may barangay Lawaan, lungsod sa Tampilisan, ZN.
Ang biktima mao si Vincent Bert Dinawanao Totao, 28 anyos kinsa gikabutyag nga gi luba ni Michael John Dinglasa Mambayan, 18 anyos nagpuyo sa may brgy. Compra sakop sa lungsod a Liloy.
Matod pa ni Police Inspector Carlito Requilme hepe sa lungsod sa Tampilisan nga atol kadto sa kapistahan sa maong barangay nga kung diin samtang nagsayaw-sayaw sa disohonan nasikhan ang biktima ug diha-diha iya kining gisumbag.
Dali usab nga mibunot sa mahait nga hinagiban si Michael dayong dunggab maayo nalang nga gamay ra ang samad nga naangkon sa biktima.
karon pormal na kining napasakaan ug kaso sa PNP Tampilisan ngadto sa korte.
Samtang ang biktima padayon pa kining nagpaalim sa iyang samad nilubaan didto sa may Liloy District Hospital.
