Davao City – Nakabsan sa kinabuhi ang 44 anyos nga construction worker nga si Melgen Abalorio Kupa, taga Purok 3-A, Barangay Los Amigos, Tugbok District, Davao City sa dihang nanguryente og isda sa usa ka creek.
Sumala ni PMaj Eliza Ramirez, Station Commander sa Los Amigos Police Station, nahitabo ang maong insidente duol sa panimalay sa biktima sa dihang nanguryente kini og isda sa usa ka creek gamit ang usa ka extension wire nga gisaksak sa 220 volts outlet.
Gituhoang adunay samad (paksit) ang wire nga gigamit sa biktima ug sa pagtuslob niini sa tubig aron sa pagkuha sa isda mi-ground ug nakoryentihan ang biktima nga miresulta sa kamatayon niini.
Pahimangno sa Bureau of Fisheries and Aquatic Resources sa publiko nga subay sa RA 10654 ginadili ang pagpangisda gamit ang kuryente.
RadyoMaN Paul Canono
Facebook Comments
