Davao City – Nagkaguliyang ug nagpakitabang ang mga residente sa Duha, San Rafael, Brgy. 10-A, Davao City niadtong August 18, 2024 sa hapon human matud pa adunay gidunggab sa lugar.
Sa pagpanubay na sa otoridad ug sa impormasyon gikan sa Davao City Police Office (DCPO), giila ang mga biktima nga mao sila Alyas Darwin, 26 anyos ug Alyas Juvy, 28 anyos nga parehong taga Malita, Davao Occidental nga kasamtangang nangabag og balay sa Brgy. 10-A.
Gisaysay sa witness nga kalit ra misulong ang suspect nga giilang si alyas Jonathan sa girentahang kwarto sa mga biktima ug walay pagduha-duhang misuway og dunggab kang alyas Darwin apan napunggan sa babaye ang kutsilyo ug nagnilayugay pa hinungdan sa pagkasamaran sa tulo.
Sumala pa nga selos ang motibo sa krimen. Tungod sa tribo, nagkasinabot sila nga mag-areglo ug dili na mag-file pa og kaso samtang nagpaalim sa balay tambalanan.
RadyoMaN Ivy Parido
Facebook Comments
