Lalaki napalgang, patay

51

Midsalip, Zamboanga del Sur – Napalgan nalang nga patay ang usa ka lalaki didto sa Purok, 3 Sitio Matic, Barangay Sigapod, Midsalip Zamboanga del Sur kagahapong adlawa alas 5 sa hapon kapin kon kulang. Kini ang gumikan sa sa taho sa usa ka concern cetizen.
Dali gilayon nga gi-tungas sa kapulisan ang gibanabanang tulo ka kilometro nga buntod sa pagpangulo ni PSMS Pfizer Perez nga ubos sa mando ni Chief PMAJ Edgar Hinoctan kauban usab ang mga Disaster officers nga gipanguluhan ni Diego Clavido ug Arnel Mantos.
Na-ilhan ang biktima nga si Moloy Lagarnia Genomo, hingkod ang panu-igon, ulitawo ug lumolupyo sa nasampit nga lugar. Basi sa ilang pag-okular sa patay’ng lawas adunay duha ka-samad dinunggaban sa dughan ang biktima.
Dali gilayon nga gilubong ang patay’ng lawas kay ilalom na kini sa state of decomposition. Ilang bana-bana nga mukabat na sa tulo ngadto sa upat ka adlaw na ang patay nga lawas sa biktima. Sa pagkakaron, padayon pa ang pag-imbestiga sa mga kapulisan para mapanubag kung naa may nagpaluyo sa maong pagkamatay sa biktima.

Facebook Comments