Wala nay kinabuhi ang usa ka lalaki nga napalgan sa usa ka security guard nga nagbuy-od sa kilid sa Rural Bank sa Barangay Poblacion ning syudad sa Iligan.
Sa imbestigasyon sa kapulisan, ang patayng lawas naila lang sa pangalang alyas Takilid, walay permanenteng address ug kanunay ng mag standby sa maong dapit.
Gilayon kining gi respondihan sa kapulisan diin sumala pa, alas 11 pa sa buntag, ulahing nakit-an ang maong lalaki apan bandang hapon napalgan na lang kining walay kinabuhi.
Walay nakitang foul play ang kapulisan ug posibleng gituohang heatstroke ang gikamatay sa maong lalaki.
Kasamtangang gihaya sa usa ka punerarya dinhi sa dakbayan sa Iligan ang nasangpit nga lalaki.
Facebook Comments
