Lalaki nasapwan nga patay samtang nagasakay sa ceres padulong sa Ajuy

ILOILO – Isa ka pasahero sang ceres bus ang nadulaan sang kabuhi samtang nagabiyahe halin sa Iloilo padulong sa ila lugar sa Malayuan, Ajuy, Iloilo.

Ginpahayag nga ang lalaki ginabanta naga-edad sang 35-40 anyos, nagasuksok sang itum nga bayo kag itum nga short kag yara sa 5’2 ang kataason.

Ini siya ang nagsakay sa ceres gikan sa iloilo papuli sa ila lugar sa Malayu-an, Ajuy apang pag-abot sa banwa sang Banate, ginpukaw sang konduktor ang natungdan nga pasahero agud sukton sang pamasahe apang nakit-an nga nagabura ang baba sini kag wala na nagahulag.


Bangud sini, gindala sa Barotac Viejo District Hospital ang lalaki apang gindeklarar nga dead on arrival.

Ang nasambit nga pasahero ang may dala nga plastic nga may unod nga mga bulong kag cash nga 1,500 pesos.

Wala sang ID ang biktima kabangdanan nabudlayan ang mga pulis sa pagkilala sang iya matuod nga identity.

Ang bangkay sini yara pa sa barotac viejo district hospital.

Photo via Rex Bance

Facebook Comments