Lalaki natulog sa payag-gidunggab

16

General Santos City—Kritikal ang kondisyon sa usa ka Tahir Sumbad, 18, nga taga Purok Interco, barangay Apopong ning dakbayan human nga gidunggab sa wala pa mailhing suspetsado.

Subay sa inisyal nga imbistigasyon sa Police Station 2 nasuta nga ala 1:30 ang takna sa kabuntagon dihang nakaplagan ang nasangpit nga biktima sa usa ka payag duol sa basketbolan sa may New Society, barangay Sinawal, Gensan nga nagkadugo na gumikan sa iyang samad sa liog.

Paspas nga gidala sa St. Elizabeth Hospital ang nasangpit nga biktima. Sa pagpanubay sa kapulisan nasuta nga niduaw sa haya sa kailang namatay ang biktima diin nag inum pa ang nasangpit uban sa iyang mga amigo.

Gumikan sa kahubog natulog nalang sa lugar ang nasangpit apan siya gidunggab sa wala pa mailhing suspetsado.

Sa karon nagpadayon ang gihimong imbistigasyon sa kapulisan kalabutan sa maong insidenti.

Facebook Comments