Patay ang usa ka 65 anyos nga lalaki human kini natumbahan sa punoan sa “kolo” o breadfruit sa Barangay Macaas , lungsod sa Catmon sa amihanang Sugbu .
Ang namatay nailhan nga si Pacquito Armihan molopyo sa maong lugar .
Matud sa Catmon Police Station natumbahan si Armihan sa dakung punoan sa kolo nga dunay giutas-on nga 49 ka tiil ug giputol sa usa ka Marvin Ares , 59 anyos ginamit ang chainsaw .
Si Ares gisugo ug pagputol sa tag-iya sa luna diin nahimutang ang punoan sa kolo sa kabalaka nga kini matumba tungod kay nigabok na ang lawas niini ug aron makalikay nga adunay matumbahan niini kung mabali lang ug iyaha .
Apan dihang gigabas na ni Ares ang punoan , wa mabantayi nga diha diay sa dool si Armihan ug natumbahan sa punoan hinungdan sa kamatayon niini .
Si Ares gitanggong una sa kapolisan tungod kay adunay namatay sa maong insidente .
