ORMOC CITY – Iginpresentar han Ormoc City Police Office (OCPD) kan Mayor Richard Gomez an mga rape suspects nga ira nadakop.
Nadakop an top 2 wanted person han syudad nga hi Leonilo Talatayod, 52 anyos, residente han Brgy. Malbasag, Ormoc City, may 24 counts nga kaso han rape. Gin aaligar ginlugos ni Talatayod an iya step daughter dida han June 2015. Nadakop an suspek ha Velasquez St. Quezon City.
Juanito Yahot, 40 anyos, usa nga karpentero, residente han Brgy. Mahayahay, Ormoc City, may kaso nga rape. Gin aaligar ginlugos ni Yahot an iya 9 anyos nga step daughter dida han May 2014. Nadakop naman an suspek ha Brgy. Alulod, Indang, Cavite.
Nadakop gihapon an top 8 most wanted person, ginkilala ini nga hi Magno Laroya, 68 anyos, usa nga eletrical technician, residente han Brgy. Mas-in, Ormoc City. May kaso ini nga acts of lacsciviousness. Gin aaligar nga karuyag makipag sex han suspek ha 6 anyos nga bata dida han October 2017. Nadakop an suspek ha San Pedro, Laguna.
Usa gihapon nga wanted person an nadakop, ginkilala ini nga hi Crisanto Ruta, 38 anyos, usa nga driver, residente han Brgy. Can-utog, Ormoc City, may kaso ini nga rape. Gin aaligar ginlugos han suspek an 13 anyos nga bata dida han Marso 2017. Nadakop an suspek ha Bicutan, Taguig.
Nagpasalamat naman hi Mayor Gomez ha Ormoc PNP tungod nga ginbuhat han mga kapulisan an ira trabaho.
“Nagpapasalamat ako sa Ormoc PNP kasi ginagawa talaga nira trabaho nila.”
Usa la ini ha mga pitad nga ginhihimo ha Ormoc City Government para mamintinar an dungog nga an Ormoc an pinaka safest city ha Pilipinas.
