Nagtingkagol karon sa police station sa dakbayan sa Lapulapu ang usa ka 18 anyos nga lalaki nga gustong moamong-among unta sa iyang ig-agaw nga usa ka menor de edad .
Ang suspek nga si Brian Lanoy , nga taga Agus Lapulapu nasakpan sa amahan sa biktima nga usa ka says anyos nga bata ,nga niaksiyon na sa pag-among-among sa iyang anak sud sa ilang pinuy-anan .
Sa kalagot sa amahan iyang gisumbag si Lanoy , apan aduna man diay kini dala nga kutsilyo ,hinungdan nga gidali niya pagbitbit ang iyang anak ug nikaratil ug dagan sa gawas aron mangayo ug tabang.
Matud ni PO2 Marites Ursula sa Women`s Desk sa Station 4 sa Lapulapu City Police Office atubangon ni Lanoy ang reklamong attempted rape ug homicide tungod sa pagsuway niya ug dunggab sa amahan sa biktima .
