Pagadian City – Patay ang usa ka 53 anyos nga lalaki nga gikan nanari human kining nahagbong sa motorsiklo ug naligsan sa kasugat nga sakyanan alas 5:30 kagahapon sa hapon dihang dapita sa Brgy. Road, sakop sa Danlugan ning syudad sa Pagadian.
Giila ang namatay nga si Elioterio Tic-ing , residente sa purok 7, Brgy. Kalasasan Pagadian.
Sa imbestigasyon nasayran nga sakay niadtong tungara ang biktima sa motorsiklo nga Haojue nga gimaneho ni Patricio Tampos, 51 anyos apan kalit nga nahulog sa motor og napantuk ang ulo sa kalsada og dili pa igo nalatayan pa kini sa kasugat nga Mitsubishi Lancer (SEDAN) nga gimaneho ni Jun Carlo Carao tage purok 2, Tulangan ning syudad.
Patay diha-diha ang biktima dihang nalatayan ang ulo niini sa maong sakyanan samtang gikustodiya usab sa Pagadian City PNP ang driver nga nakaligas.
