Gidudahang durugista nga gikan nitambong og hearing sa Lapulapu City, gipusil patay sa Pusok Road Lapulapu City.
Ang gipusil mao si Fidel Daitol Ybañez ,27 anyos taga Sea Breeze Pusok Lapulapu City.
Ang biktima naigo sa iyang ulo sa dihang gipusil sa wala ma mailhing mamumuno nga nagmotorskilo.
Si Ybanez nabilanggo niadtong Enero 2018 tungod sa kasong iligal nga drugas apan nakapyansa.
Basi sa imbistigasyon sa kapolisan sa Lapulapu, si Ybañez, paingun nang mopa-uli gikan sa iyang hearing sa korte,samtang luwan sa passenger multicab, kalit nga gipusil ang biktima sa riding in tandem,daling miikyas human sa pagpamusil.
Narecover sa crime scene ang empty shell sa .45 caliber pistol.
Matud ni PO3 Marvin Saraum sa Homicide Lapulapu nga wala nila isalikway ang angulo sa drugas sa pagpatay sa biktima.
(Makita sa hulagway ang biktima nga gisapnay sa iyang igsoong babayi)
