Patay na sang masapwan kahapon sang kaagahon sang iya pamilya ang 24 anyos nga lalaki matapos magbitay sang iya kaugalingon sa ila balayan sa banwa sang oton, Iloilo.
Ginpahayag ni Police Major Gervenson Muyo, hepe sang Oton PNP nga base sa ila imbestigasyon, nasapwan sang iya pamilya mga alas 4 kahapon sang kaagahon ang biktima nga nagabitay sa balayan gamit ang dog chain.
Suno kay Muyo nga base sa pahayag sang pamilya, na-depress ang biktima matapos ginbulagan ini sang iya live in partner isa ka bulan na ang nakaligad kabangdanan nga nagkomiter ini sang suicide.
Kumbensido man ang kapulisan nga wala sang foul play sa kamatayon sang biktima.
Facebook Comments
