CADIZ CITY – Ginbawian sang iya kabuhi ang 32 anyos nga si Lemuel Carisma, tumandok sang Kabankalan City, matapos ini siya ang ginbuno pasado alas 7 sang tinalikdan nga gab-i sa Barangay Magsaysay.
Ang biktima ang nag-angkon sang duha ka buno, isa sa iya nga tiyan kag dughan nga gintunaan sang iya kamatayon.
Sa imbestigasyon sang mga kapulisan ang suspetsado nga nagbuno sa iya ang upod sini sa ilimnan nga si Albert Aporbido, nga pumoloyo man sang nasambit nga lugar.
Sa ginpatigayon nga hot pursuit operation sang mga kapulisan ang suspetsado ang nadakpan sa Barangay Malubon, Syudad sang Sagay.
Si Aporbido ang detenado subong sa custodial facility sang Cadiz City Police Station kag ang kaso nga murder ang ipasaka batuk sa iya.
Facebook Comments
