Sa pakighinabi sa DXDC RMN Davao kang Police Major Jun Bautista, Chief of Police sa Panabo City PS, giila niini ang biktima nga si Julieto Dela Cruz, 49 anyos, residente sa New Visayas, Panabo City.
Sa nakuha sa kapulisan nga footage sa closed-circuit television (CCTV), makita nga nagkauban ug nagka-istorya pa ang biktima ug ang suspek ayha gipusil si Dela Cruz nga naigo sa iyang tangkugo ug nahulog pa kini sa kanal.
“Isa lang ang sigurado, magkakakilala sila kasi I personally reviewed the CCTV. Nag-uusap pa nga sila, in fact eh. Magkakasama pa silang dumating eh,” sulti ni Bautista.
Sa inisyal nga imbestigasyon, walay matumbok ang pamilya nga pangalan sa responsible sa krimen ug wala usab silay nahibaloan nga nagbaton og hulga ang biktima ayha ang insidente.
RadyoMaN Kirby Manzon
