Wala na kagawas sa ilang panimalay ug naapil pa ug kasunog ang bana ni Clarita Montefalcon niadtong adlawng lunes didto sa usa ka residential establishment sa may Pitogo, lungsod sa Gutalac sakop ning probinsya nga gipag-iyahan sa mag asawang Montefalcon.
Tungod sa maong sunog dali kining ge respondehan sa Gutalac PNP uban sa Bureau of Fire Protection (BFP) sa pangindahay nga mapalong pa ang maong kalayo human matod pa naapil ug kasunog si Leonardo Montefalcon, 64 anyos.
Sa gihimong imbistigayon ni PO1 Celbert T. Berjame, gibutyag sa asawa niini nga si Clarita nga magsige lang sila ug away sa iyang bana ug panahon nga mahubog kini ma resulta kini sa ilang bangi unya hadlokon matod pa niya ang iyang asawa nga punggutan ug ulo ug sunogon ang ilang pinuy-anan.
Usa ka higayon nga nagka lalis sila, milakaw ang asawa niini nga si Clarita ug miadto kini sa ilang silingan para dinto matulog.
Niadtong higayuna nag inusara ang iyang bana sa ilang balay ug hubog kini, pipila lang ka gutlo ang milabay iyang nalang nasayran nga nasunog na diay ang ilang gipuy-an apan ang iyang bana ang natanggong kini sa sulod.
Ang maong sunog nahitabo kini sa 12:10 sa kadlawon sa miaging adlaw, gibana-bana mokabat sa P67, 200.00 ang nahimong danyos sa maong insidente.
Base sa Resulta sa imbistigasyon, ang hinungdan sa maong sunog gituohan kini gituyo pag sunog sa biktima nga miresulta pa hinuon sa pagka apil sa iyang kaugalingon, hinungdan sa iyang wala damhang kamatayon human wala nakagawas.
Sa pagkakaron igo nalang sa pagpatulo sa luha ug puno sa pagpamahay ang asawa sa nadangatan sa iyang bana.
