Lalaki nga hubog nahulog sa fishpond , patay

166

Labangan, Zamboanga del Sur – Patay na nga nakaplagan ang lalaki nga gituohang hubog dihang dapita sa purok Nangka, Brgy. Lower Campo Islam, Labangan, Zamboanga del Sur partikyular sa fishpond sa nahisgutang lugar.
Naglutaw nga wala na’y kinabuhi ang biktima nga nailhang si Celestino Cida Ramos, 50-anyos, lumulupyo sa naasoy nga lugar.
Sa imbestigasyon PNP Labangan, pauli na ang biktima human ang ilang pagtagay sa ilimnon nga makahubog kauban ang usa ka nagngalang Dan Tanoy, 40 anyos og residente sa maong dapit.
Pauli na matud pa ang biktima dihang aksidente nga nahagbong sa fishpond nga iyang giagi-an gumikan sa kahubog.
Naa na sa iyang pamilya ang patay nga lawas sa biktima.

Facebook Comments